Gästebuch

Das ist ja eine tolle Idee! Bereits jetzt liegt hier ein vielfältiges Angebot von gesprochenem Niederdeutsch vor. Denkbar gut einzusetzen im Deutsch-Unterricht allgemein bildender Schulen (siehe Hamburger Lehrplan bezüglich Plattdeutsch) - aber auch für interessierte Kreise sowohl bei gemütlichem Beisammensein als auch für Diskussionsgruppen mit historisch orientierten Fragestellungen. Absolut bereichernd für alle Altersstufen. Dankeschön und weiter so!

De beste Möchlichkeit de plattdütsche Welt to hörn. Jüs för die nohfolgende Generation. So köpp de junge Lüüd veeles verstöhn. Veelen Dank för de Tied und Upwand. Op dat unse Kinner un Enkelkkinner noch god dorvun hebt.

De Schnackers för mi hem dat alns all secht. Hör eeinfach maal n beten to mit PLATO. De velen Geschichtn un Dialekte ut dat heele neederdütsche Land. Ik sech, ok de Oogen tomaaken, toluuschern un de veelen Dialekte studeern. PLATO sall wieder maaken un - as Lornz för mi all secht - ok Ik bünn gespannt, wat för wunnerbaare Geschichtn no dorto kumm?

Wat en Höörschatz, leve Platomakers un -mackers, hefft alltomal groten Dank för dat (digitale) Heven vun de „Niederdeutsche Stimmen“ un de korten Biografien mit dialektale Verortungen dorto. Un mit de „Heidekreis“-Sammlung ok för dat Präsenteren vun de eerste dichte regionale dialektale Dokumentatschoon to’n Hören un Mitlesen in’n Rahmen vun jemehr Projekt. Wat alleen bi düsse beiden Busteen vun dat PLATO-Tonarchiv al allens tosamenkamen is, lett ahnen, wat dor noch to rechercheren un fasttoholen is, wenn Schatzkisten ut anner Regionen oder Tieden utpackt oder noch eerst bestückt warrn mööt. Bang för de Arbeid sünd jem wegens nich. Dor warrn velen goot vun kriegen, wenn se en Ohrentour dör PLATO maken. Se warrn sik wunnern över dat, wat sik för se eens un wat sik verscheden verscheden anhöört, se warrn sik faatnehmen laten vun Stimmen, Geschichten, Erinnern. Ik heff mi t.B. „De Weg“ vun Hinrich Kruse vörlesen laten, en Stück, wat mi vör lange Tiet bi de plattdüütsche Leeswettstriet in Sleswig-Holsteen präägt hett. Hett wat mit mi maakt – danke!

Platt leevt all Tieden over – dat is PLATO. Dat kriggt een in de Ohren, wenn de Stimmen vun de Schrieverslüüd ut verleden Tieden to hören sünd. Un wenn een marken kann, dat düsse Stimmen meist woll nix anners hebbt hören laten as Platt. Dat een sick up düsse Wies dör de platten Flachs vun Nord, Süd, West un Ost dörlustern kann, dat is heel besünners. Wenn dor noch veel anner Stimmen bi to kaamt, warr ick mi bannig freuen.

Leve Plattdüütschefrünnen ut Neddersassen un ümto, von Plato un dat INS ut Bremen. Schöön, dat wi nun up düsse Siet uk een fein Gästebook hebbt. In veelen Dörpen un Städen gifft dat plattdüütsche Klöönkrings bi us in Heidekreis. 2 Johr hebbt wi Upnahmen, Tondokumente von use Plattsnacker in'n Heidekreis maakt. Düsse Dokumente heff ick wiede geven an dat INS ut Bremen. Dat INS maakt de Tondokumente för alle Lüüd taugänglich un so künnt wi noch in veele Johren faststellen wi man in Heidekreis snackt hett. Een ganz grooten Dank an Dr. Reinhardt Goltz vun INS, de sik dor mächtig för insett. Danke. Plattdüütschbeopdragter vun Landkreis Heidekreis. Oskar Hein

Sett Di daal, verpust Di mol un hör een beten to. Dat geiht op allerbest mit PLATO, mit de velen Stimmen vun dat heele plattdütsch Land.

Plattdüütsch to lesen is een Saak, man de Stimmen deels vun „normale“ Lüüd, deels vun plattdüütsche Legenden as Ivo Braak direktemang „in‘t Ohr“ to hemm, een annere. Eenfach de Oogen tomaken, toluustern un de (dialektale )Veelfalt geneeten. PLATO maak wieter so! + Ik bünn gespannt, wat dor an wunnerbare Geschichten noch hento kummt?

Leve PLATO-Maten, weest Se all vun Harten bedankt för de niegen Sieden vun´t INS, de mit so veel Informatschonen utstaffeert sünd över de verscheden Regionalspraken in´t hele Plattdüütschland. Vun welk Schrieverschen un Schrievers vun´t Middelöller bit to unse Tiet heff al wat leest, man so en wunnerbore Sammeln vun plattdüütsche Stimmen finn ik grootordig. De sünd en Spegel för de velen Persönlichkeiten, de velen Wiesen un Mööglichkeiten för´t plattdüütsche Hart un Tung dat uttodrücken, wat rut will. Dat lett, dat ik noch faken op düsse niegen Sieden rümstövern warr. Ik frei mi op dat, wat dat noch allens to´n Opdecken gifft.